भरत सिंहको चित्रकला प्रदर्शनीमा बालेन शाहदेखि अजेयराज सुमार्गीसम्म

पुस १३,काठमाडौँ । भारतस्थित बम्बई बस्दै आएका धनगढीका कलाकार भरत सिंहको चित्रकला प्रदर्शनी काठमाडौँमा भैरहेको छ । नेपाल आर्ट ग्यालरी बबरमहलमा गत पौष १० गतेदेखि भैरहेको हो । १४ गते सम्म प्रदर्शनी चल्नेछ । प्रदर्शनीमा ४० जना उद्योगपति ,व्यापारी,समाजसेवी,राजनीतिज्ञ तथा कलाकारहरुको चित्र राखिएको छ। प्रदर्शनीमा राखिएका तस्विरहरु सबै भरत सिंहले तयार पारेका हुन् । उनी बिगत १५ वर्षदेखि यस क्षेत्रमा रहेको सिंहले बताए । आकर्षक देखिने पोट्रेट फोटोको अवलोकनका लागि उल्लेख्य मात्रामा उपस्थिति रहेको छ ।

तिन बर्षअघि नेपालमा यस्तै फोटो प्रदर्शनी गरेका सिंहले फेरी दोहोर्‍याएर नेपालमा प्रदर्शनी गरेका हुन् । भारतमा भने सिंहले प्रत्येक वर्ष आफ्नो कला प्रदर्शनी गरिरहेका छन् । फोटो प्रदर्शनीले कलाको महत्व र आवश्यकता बढ्दै जादा व्यवसायिक रुपमा अगाडी बढ्न सजिलो भएको सिंहले अनलाइनकेन्द्रलाई बताए। प्रदर्शनीमा राखिएका फोटोहरु अवलोकनका क्रममा काठमाडौँ महानगरका मेयर बालेन शाह र उद्योगपति अजेयराज सुमार्गीको फोटो उत्सुक्तापुर्वक सहभागीले नियालिरहेका थिए। बालेन शाह स्वतन्त्रबाट चुनाव लडेर काठमाडौँ महानगरका मेयर बनेका हुन् भने अजेयराज सुमार्गी नेपालका चौथो धनिको रुपमा चर्चा कमाएका उद्योगी हुन् । पछिल्लो समय आध्यात्मिक क्षेत्रमा रुचि राख्दै जीवन र जगतलाइ बुझ्दै अगाडी बढेका व्यक्तित्त्वको रुपमा परिचित छन्।

नेपालका चर्चित कलाकार,राजनीतिज्ञ, व्यवसायिक तथा उद्योगपतिहरुको चित्र प्रदर्शनीमा राखिएको सिंहले बताए। प्रदर्शनीमा सबैका तस्बिर दर्शकहरुले चाखपुर्वक हेरेको सिंहले बताए । प्रदर्शनीमा उद्योगपतिहरु पवन गोल्यान,चन्द्र ढकाल,राजेन्द्र खेतान,दिपक मल्होत्रा,जिवा लामिछाने,विकास राणा लगायतको तस्बिर रहेका छन् । प्रदर्शनीमा महानायक राजेश हमाल, बरिष्ठ कलाकारद्धय मदनकृष्ण श्रेष्ठ र हरिवंश आचार्य, डा. सन्दुक रुइत लगायतको तस्बिर पनि सिंहले आफ्नो फोटो प्रदर्शनीमा समेटेका छन् । चित्रमा बनाइएका ४२ जनाकै सर्प्राइज आर्टको रुपमा प्रस्तुत गरेको कलाकार सिंहले बताए। फोटो बनाइएका अधिकांशलाइ उनले भेटेका छैनन् तर पनि चर्चित लागेका मध्येबाट उनले आफ्नो पेन्टिङमा समेटेको अनलाइनकेन्द्रलाई बताए।